SAAND 2
UPDATE-22
Aise hi baat karte huye alka madam ka ghar aa gaya to unhe unke ghar chhod kar vo apne ghar aa gaye. lekin dono jaise hi ghar pahuche vaise hi.......
Vaishali (tension)—ohhh shittt...jaldi jaldi me mera mobile vahi farm house me hi rah gaya.. ab kya hoga ??
Ab aage.............
Raj—kyaaa ?
Vaishali (tension)—mera mobile nain ki gadi me hi rah gaya tha jab uske dosto ne jabardsti mujhe car se nikaal kar andar le gaye the..ab kya hoga ?
Raj (pareshan)—ye to badi dikkat ho gayi, agar vo phone kisi ke hath ya uske baap ke hath lag gaya to unhe pata chal jayega.
Vaishali (tension)—mujhe jana hi nahi chahiye tha party me..ab meri vajah se poore ghar walo par musibat aa jayegi..ab main kya karu bhagwan ?
Raj—tension mat lo main dekhta hu....tum jao andar aur kisi ko kuch mat batana..
Vaishali—tum kaha ja rahe ho ab ?
Raj—tumhara mobile vapis lene..
Vaishali—tum sach me kahi pagal to nahi ho gaye ho ?
Raj—dekho, abhi iss ghatna ki kisi ko khabar nahi hai lekin subah hone tak poore city ko khabar ho jayegi, isse pahle ki tumhara mobile kisi ke hath lage, mujhe har haal me use hasil karna hi hoga..
Vaishali—lekin isme ab khatra hai..ho sakta hai ki unme se kisi ko hosh aa gaya ho aur usne apne ghar ya police me phone kar diya ho to ?
Raj—unme se kisi ke bhi subah se pahle to hosh me aane ki sambhavna kam hi hai..mujhe itna jokhim to lena hi hoga ab, akhir poori family ki safety ki baat jo hai.
Vaishali—to phir main bhi tumhare sath chalungi..
Raj—nahi..main sirf akela hi jaunga, vaise bhi yaha ghar wale sabhi pareshan honge..
Tabhi bahar kisi ke baat karne ki awaz sun kar malti aati huyi dikhi to raj ne vaha se jaldi nikalna hi behtar samjha.
Raj—main ja raha hu..tum jaldi se andar jao..agar dadi maa ne mujhe dekh liya to phir vo mujhe jane nahi dengi..
Vaishali—nahi main bhi chalungi..samajh gaya...
Magar raj ne uski baat sune bina hi vaha se rafoochakkar ho gaya gadi le kar aur vaishali use jate huye dekhti rah gayi...tab tak malti bhi vahi pahuch chuki thi.
Malti (narazagi dikhate huye)—ye kya time hai ghar aane ka aur ye raj kaha chala gaya phir se ?
Vaishali (tension)—vo..vo maa thoda usha ne rok liya tha..vo exams hain na to use mujhse kuch samajhna tha isliye..
Malti—aur ye janab kaha chale gaye phir se ?
Vaishali (jhooth)—vo..vo..ma..vo vicky ko chhodne uske ghar gaya hai..
Iske baad vaishali jaldi se ghar ke bhitar chali gayi, lekin uska mann ghar me nahi lag raha tha, uska tann to jarur ab poori tarah se surakshit tha kintu uska mann asurakshit mahssos kar raha tha, uske mann me iss samay raj ko le kar chinta thi.
Vaishali (tension, mann me)—ye raj bhi na, kya jarurat thi dubara ek mobile ke liye khatra mol lene ki ? agar raj ko kuch ho gaya to main sabko kya jawab dungi ? main khud ko kabhi maaf nahi kar paungi.
Vo bistar me let kar aaj ki ghatna ke baare me sochne lagi to uski ankhen ek baar phir se bhar aayi aur use raj ki chinta hone lagi, vo baar baar deewar me lagi ghadi me time dekh rahi thi, raj ko gaye huye abhi kuch hi minutes huye the kintu use aisa lag raha tha jaise ki use gaye huye kayi ghante ho gaye ...har gujarte pal ke sath uske dil me bechaini badhti hi ja rahi thi, vo kabhi bistar se uth kar room me ghumne lagi to kabhi chhat me ja kar bahar road ki taraf jhaaknkne lagti..uske dil ko na iss karwat chain aa raha tha aur na hi uss karwat chain. Use khud bhi samajh nahi aa raha tha ki aaj ek din me aisa achanak kya ho gaya ki uske dil me aisi bechaini uthne lagi hai jo ki aaj se pahle kabhi nahi huyi.
Udhar ghar se nikal kar raj full speed me gadi chalaate huye uss ghatna sthal ke karib pahucha hi tha ki vaha farm house ke andar se aag ka dhua uth raha tha, ye dekh kar vo chounk gaya.
Raj (hairan)—ye madarchod, farm house se dhuan kyon nikal raha hai itna jyada ? mujhe jaldi se jaldi mobile le kar yaha se nikalna chahiye..
Nain ki gadi abhi bhi apni jagah par khadi thi, ye dekh kar usne thoda rahat ki saans li aur phir lapak kar gadi ke paas pahucha aur usme vaishali ka mobile talash karne laga, magar poori gadi ko achche se talash karne ke baad bhi use mobile kahi nahi mila, ye dekh kar uske chehre par bhi chinta ki lakire ubhar aayi.
Raj (tension)—iski maa ko chodu, ye mobile kaha gaya ? didi ne to yahi bataya tha..ek baar phir se dekhta hu..shayad chheena jhapti me seat veat ke niche gir gaya ho ?
Ye soch kar usne abhi dubara talashi leni shuru ki hi thi ki tabhi uska dhyan farm house ke andar se uth rahe dhunye par gaya jo ki ab aag ki lapto me badal chuka tha, aag ki lapto ko dekh kar raj buri tarah chounk gaya...phir use andar behosh pade nain aur uske sathiyo ka khyal aaya.
Raj (shocked)—o..madarchoddd...ye kya ? ye yaha aag kaise lag gayi itna jaldi ? yaha to nain aur uske sathi behosh pade the...ek to madarchod gadi se mobile gayab hai dusra yaha aag lag gayi, iska matlab ki uss samay jarur hamare alawa bhi yaha koi na koi moujud tha..ye sab usi ka kaam ho sakta hai ? lekin koun ho sakta hai ? aisa karne ke piche uski kya vajah ho sakti hai ? ya phir kahi aisa to nahi ki nain ya uske sathiyo me se kisi ko hosh aa gaya ho aur usne hi ye sab kiya ho ? ab agar didi ka mobile nahi mila to sach me bahut badi problem khadi ho jayegi...upar se agar inme se koi aag me jal kar mar gaya to jabardasti ka murder case mere upar ban jayega.. nahi, mujhe unn sabko bahar nikaalna hoga..
Ye soch kar raj tezi se farm house ke andar ki taraf bhaga kintu tab tak agni dev vikral roop dharan kar chuke the, aag ki choti lapte ab bhayanak roop me aa chuki thi, itni bhayanak, ki door se hi unn lapto ko dekha ja sakta tha.
Raj ne andar room me ghusne ki har sambhav koshish ki lekin aag itni bheeshan roop me phail chuki thi ki ek kadam aage badhna aur kamre me ghusna to bahut door, vaha rukna tak sambhav nahi tha.
Raj (tension)—ohh shitt...ab to inme se kisi ka bhi bachna namumkin hi hai...arret haan, vo do guards bhi to the..jinhe maine maar diya tha..vo kaha gaye madarchod ?
Raj ne abhi ne vichar kiya hi tha ki achanak use ek dusri jagah se kuch aag ki lapte uthti huyi nazar aayi, ye dekhte hi vo buri tarah se chounk gaya.
Kyonki iss baar aag ki lapat farm house ke bahar khadi nain ki gadi me se uthni shuru huyi thi, ye dekhte hi raj vapis bahar ki taraf turant daud pada, jaise hi vo main gate ke paas pahucha to use kisi ke bhagne ki pairo ki aahat sunayi padi.
Raj ne gaur se uss awaz ki disha me dekha to ek admi kaala libaas pahne huye bhagta dikh gaya, bas kya tha, raj ne bhi uske piche tezi se daud laga di, jab raj ne dekha ki vo uss tak nahi pahuch payega to usne jaldi se apna ek juta utar kar uski taraf phenk kar maar diya.
Juta sidhe bhagne wale shakhs ke sir me tezi se laga aur vo dhadam se samne ki taraf gir pada, jab tak vo uth kar dubara bhagta, tab tak raj uske paas pahuch gaya aur uske upar toot pada.
Raj (gusse me)—tadaakk...bata madarchodd, koun hai tu ? aur kyon kiya tune aisa ? chataakk.. bata vo mobile kaha hai ?
Agle hi pal uss shakhs ne raj ke pet me kick maar kar thoda door gira diya aur phir se bhagne laga lekin raj ne iss baar jaldi hi use pakad liya.
Raj (gusse me)—tadaakkk....teri maa ko chodu..madarchodd...bhagta hai ? chataaakkk...bata vo mobile kaha hai ?
Raj ne use dono hatho se daboch kar sidha palat diya kintu uska chehra naqab se dhanka hone ke kaaran nahi dekh paya.
Raj ne use ek hath se daboch kar apne dusre hath se uske chehre par se naqab hatane hi ja raha tha ki tabhi achanak vaha police aur damkal gadiyo ke cyrun ki awaze sunayi dene lagi, raj ka dhyan bhi unn awazo ko sun kar udhar chala gaya aur iss mouke ka fayda utha kar uss shakhs ne raj ke pet me badi tezi se chaku ghused diya jisse raj dard se tadap utha aur uss shakhs par uski pakad dheeli ho gayi.
Uss shakhs ne turant raj ko dhakka diya aur phir se uth kar daudte huye na jaane kaha gayab ho gaya,,,, raj ke pet se khoon badi tezi se bahne laga. Iss aseem dard ke bavjud bhi usne kisi taraf khud ko khada kiya lekin do kadam chalte hi ladkhada kar gir pada.
Raj (dard me)—aaaaahhhhh.....didiiii...aaahhhhh
Raj ne kisi tarah apne pet me ghusa hua chaku bahar nikala jisse khoon aur bhi tezi se bahne laga, vahi unn gadiyo ke cyrun ki awaz bhi kafi karib aa chuki thi, ye dekh kar raj ne apna shirt utar kar pet me chot wali jagah par kas ke baandh liya aur phir apne dard ki parwah na karke ladkhadate huye kisi tarah apni gadi tak pahucha aur turant vaha se nikal gaya.
Raste me vaishali ka bhi call kayi baar aaya to usne usko iss baare me kuch nahi bataya. Lekin chot ki vajah se uski ankho ke samne andhera chhane laga tha jiske kaaran drive karna mushkil ho raha tha, uski aankhen band ho ja rahi thi baar baar.
Tabhi samne se tez raftar me aa rahi ek gadi ka horn sun kar usne ankhen kholi. Use ehsaas hua ki vo beech road me chala raha hai to usne samne wali gadi ko nikalne ka rasta dene ke liye apni gadi ko side ki taraf turn kiya lekin tabhi uski ankhen ek baar phir se band ho gayi jisse gadi par se uska control hat gaya aur vo sadak se niche utar kar ek khet me ghus gayi.
Halanki khet poora khali tha isliye gadi khet ki mitti me phans kar ruk gayi. Samne wali gadi horn bajati vaha se kuch aage ja kar ruk gayi, shayad gadi me baithe insaan ka mood kharab ho gaya tha...isliye usne driver se gadi rokne ko kaha. Phir gadi back ho kar vahi aa khadi huyi jaha par raj ki gadi thi.
Shakhs—pata nahi log daru pee kar gadi kyon chalaate hain ? chalo dekhte hain..
Gadi me se ek shakhs utar kar raj ki gadi ke paas gaya aur phir jaise hi raj par nazar padi to vah buri tarah se chounk gaya, use apni ankhon par yakin nahi aa raha tha.
“rajjjjj !.aur aisi ghayal halat me ? .lekin ye kaise ho sakta hai ? raj sir to uss hadse me kab ka mar chuke hain phir yaha kaise ? ye koi sapna hai ya haqiqat ?” uss shakhs ne behad chounkte huye mann me socha.
Ye shakhs ek aurat hi thi jo raj ko dekhte hi chounk gayi jaise ki usne koi avishwasneey cheez dekh li ho.
“jaldi karo, inhe hospital le jana hoga turant.”
Driver (hairan)—kya hua madam, kya aap ise janti hain ?
Aurat—shayad haan..jaldi karo..
Driver—lekin madam hame to MLA sahab ke farm house jana tha, jaha aag lag gayi hai..
Aurat (tension)—vaha already police force aur aag bujhane wali gadiya pahuch chuki hongi, pahle mujhe inko hospital pahuchana behad jaruri hai..jaldi karo..
Driver—theek hai madam, par hua kya hai inhe, itne ghayal kaise huye ye ?
Aurat—ye to inke hosh me aane ke baad hi pata chalega..jaldi karo..
Phir vo aurat raj ko piche ki seat par lita kar khud hi uski car drive karte huye turant vaha se hospital ke liye nikal gayi jabki driver piche piche gadi se follow kar raha tha.
Thosi der me gadi city ke jane maane hospital me pahuch gayi, jaha turant raj ka treatment shuru ho gaya. Vo aurat abhi bhi bahar khadi kisi gahan soch me doobi huyi thi.
Aurat (shocked)—ye kaise ho sakta hai ? aur agar ye sach hai, jo maine dekha to phir aaj tak kisi ko kuch pata kyon nahi ? uss ghatna ke baad raj ke pariwar walo ka bhi kuch pata nahi chala..akhir kya hua hoga sabke sath ? kaha gayab ho gaye sab ke sab achanak ?
Vo operation theatre ke bahar hi badi bechaini se chahal kadmi karti rahi, uske mann me uth rahe bhaavo ko dekh kar aisa lag raha tha jaise ki vo raj ko achchi tarah se janti hai ya phir usse uska koi gahra rishta hai...iske sath hi uske mann me kayi sawal umad rahe the jinka jawab use sirf raj ke hosh me aane ke baad hi milne ki ummid thi.
Abhi vah apne inhi sawalo ke ghere me uljhi huyi thi ki tabhi use raj ke mobile ka khyal aaya jo ki raj ko operation room me le jate waqt usne apne kabze me le liya tha.
Ye dhyan aate hi usne turant raj ka mobile dekhne lagi lekin use nirasha hi hath lagi kyonki mobile screen password protected tha. Ye dekh usne apne anuman se ek ke baad ek password daal kar use kholne ki koshish karne lagi, Vah abhi apni koshish me lagi hi thi ki tabhi mobile me kisi ka call aane laga.
Usne screen me dekha to usme ‘Chudail’ naam show ho raha tha..usne call pick kiya, dusri taraf se ek ladki ki awaz (vaishali) sunayi padi jo ki kafi chintit si lag rahi thi. vaishali ke paas do mobile the, ye wala party me le kar nahi gayi thi.
Vaishali (phone par, tension me)—hello raaj...kaha ho tum ? kya hua ? mobile mil gaya kya ? jaldi aao...
Aurat (mann me)—iska matlab ki mera sochna sahi hai..ye raj hi hai..
Ye confirm hote hi uss aurat (halanki use ladki kahna jyada theek hoga) ki ankhon me moti ki kuch boonde chhalak aayi, ek pal ke liye uske chehre par aisi khushi ki lahar aayi jaise ki usne apni kisi khoyi huyi besh keemti cheez ko vapis pa liya ho...par agle hi pal phir se vahi chinta ki lakire aur vahi sawal ubhar aaye.
Vaishali (jhallate huye)—hello raaj...tum kuch bolte kyon nahi ho ? main kab se puch rahi hu.. ki kaha ho ? tujhe sunayi nahi deta kya, bahre ho ?
Aurat—kya main jaan sakti hu ki tum koun bol rahi ho aur raj ko kaise janti ho ?
Ab choukne ki baari vaishali ki thi..raj ke phone par kisi ladki ki awaz sun kar uska chounkna swabhavik bhi tha, vo bhi itni raat me..uska mood ekdam se kharab ho gaya jo ki abhi tak raj ke baare me soch soch kar pareshan tha.
Vaishali (gusse me)—yahi sawal main tujhse puch rahi hu ? tu koun hai aur raj ka phone tere paas kaise aaya ? aur raj kaha hai ? (mann me)..main yaha iss kamine ke liye pareshan hu aur ye kisi randi ke sath apna munh kala kar raha hai..aane do, aaj itne chappal marungi ki kisi ladki ki taraf dekhna bhul jayega..
Aurat—pahle meri baat ka jawab do..phir main tumhare sawal ka jawab dungi..
Vaishali (gusse me)—tu hoti koun hai mujhse sawal puchne wali..sidhi tarah se raj ko phone de, samjhi...aur haan, raaj se door hi rahna, warna ek hath ka danda teri gaand me ghused dungi.. samajh gayi...chal raj ko phone de..
Aurat (gusse me)—badi hi badatmeez ladki hai...baat karne ki bhi tameez nahi hai..
Vaishali (gusse me)—tameez ko daal apni gaand me aur sidhi tarah raj ko phone se..
Aurat (gusse se)—pagal ladki, tujhe pata bhi hai ki tu kisse baat kar rahi hai ?
Vaishali (gusse me)—Sali hogi koi bazaru randi..jitna kaha hai, utna kar..raj ko phone de.. aaj mere hath se ye pit kar rahega ab to..
Aurat (chillate huye)—just shut up...non sense..
Vaishali (gusse me)—Sali kya kaha ? gaali deti hai..chal bata..kaha se bol rahi hai ? abhi aati hu teri gaand me danda dalne...bata jaldi se..
Aurat (gusse me)—aaja hospital se bol rahi hu...
Vaishali (chounk kar)—hhh..hospital se ?
Aurat (gusse me)—haan hospital me hu iss waqt..
Vaishali (tension, mann me)—lagta hai ki kahi galat number to nahi lag gaya ? magar number to raj ka hi hai ye...
Vaishali—raj kaha hai ?
Aurat—hospital me..
Vaishali (tension)—hospital me, matlab ? vaha kya kar raha hai vo ? phone do use..
Aurat—vo iss samay baat karne ki halat me nahi hai....kyonki iss samay vo operation theatre me hai jaha uska operation chal raha hai..
Vaishali (shocked)—kyaaaaaaaa ? nahii...
Vaishali ne jaise hi ye suna to use bahut bada jhatka laga..sunte hi uske hath se mobile chhut kar niche gir gaya...be-intaha dard uske seene me uthne laga, use aisa mahsoos hua jaise ki kisi ne uske jism se uski aatma hi nikaal li ho..
Vah jor se cheekh padi aur fafak fafak kar rone lagi....
Vahi kisi dusri jagah par same time.....
“nahiii....nahii, aisa nahi ho sakta...main aisa nahi hone dungi..ye sach nahi ho sakta.”
Ek behad haseen navyouvana sote huye achanak jor se cheekhte huye uth baithi. Iss samay uski jheel si neeli gahri aankhon se tap..tap...tap kar ke aanshoo roopi moti tapak rahe the. Uske inn aanshuo me ek ajeeb si kashish thi, itna asahneey dard tha, ki jise sun kar patthar bhi pighal jaye, rote huye vah khud se hi badbadaye ja rahi thi.
“tumhe kuch nahi ho sakta...tumhe meri khatir yaha aana hi hoga...maine barso tumhara intazar kiya hai...ab ye judaai, ye tadap nahi sahi jati...tum jaha bhi ho ,,mere paas aa jao.”
"Abhi Se Aankhon Mein Aanshoo, Ye Kaisa Jarf Hai Saaki,
Abhi To Dastaan-E-Gum, Sunani Shuru Bhi Nahi Ki Hamne."
Guess--Raj Ko Hospital Le Jaane Wali Ladki Koun Ho Sakti Hai ?
Kahi ye chodu team ki bhabhi to nhi jo police me thi (vo black star ki bahan ki baat nhi kr rha) dusri vali Jiski ek bahan ko chodu gang ke ek member ke sath setting thi...
Ye Vaisali ka naam sach me sahi rakha hai chudail bina soche samjhe puni baat Jane gariyana suru kr diya... Superb update bhai sandar jabarjast
Join Our
Discord Server
For Daily Updates
