Dono phir se raj ki talash me ghumne lagi kintu vah kahi nazar nahi aaya...vo abhi uski khoj me bhatak hi rahi thi ki tabhi.......
Ab aage...........
Unki nazar samne se aa rahi disha aur janhavi ke sath sath baki logo par padi jo ki kuch ghabraye huye dikh rahe the..unhe dekh vaishali ko kuch ummid bandhi...vo sab bhi vaishali ko dekh kar chounk gayi.
Vaishali—vo dekho, vo rahe hamare sathi...jo sakta hai ki raj, inhe behoshi ki halat me mil gaya ho ?
Janhavi—ye to vaishali hai, aur iske sath ye ladki koun hai ?
Disha—hmmm..magar raj to nahi dikh raha inke sath...
Alka—vaishali...achcha hua ki tum mil gayi...kaha chali gayi thi..bina kisi ko bataye ?
Renuka—kaha thi raat bhar ? pata hai hum sab kitne pareshan ho gaye the ?
Alka—tum nahi janti ki tumhare jane ke baad kya kya hua ? hum sab bahut badi musibat me phans gaye hain..taha aa kar hamne bahut badi galti ki hai..
Vaishali—vo sab baad me bataungi madam...(disha ki taraf dekh)..dikha, pahle ye batao ki raj kaha hai ?
Disha (hairan)—raj ! kya raj tumhare sath nahi hai ?
Janhavi (tension)—vo to tumhe dhoondne raat me hi ghar se bahar chala gaya tha...
Vaishali (shocked)—kyaaa raj tum logo ko bhi nahi mila..?
Jaise hi vaishali ne ye suna ki raj unhe bhi nahi mila hai to uski halat jo ki pahle se hi kharab thi, ab usse bhi kharab ho gayi..uske hriday me achanak hi asahneey dard ki tarange uthne lagi aur vah vahi jameen par baith gayi aur jor jor se ro padi.
Vaishali ko iss tarah achanak se rote dekh disha aur janhavi bhi ghabra uthi..sab usse raj aur uske khud ke sath raat ki ghatna ke baare me puchne lage lekin vaishali to jaise dukh ke athaah sagar me doob chuki thi..use aisa prateet ho raha tha jaise ki uska sab kuch lut gaya ho.
Aisa aseem dard aaj use dusri baar ho raha tha, pahli baar tab mahsoos hua tha jab farm house ki ghatna ke baad raj hospital me tha..sabke baar baar puchne ke baad bhi vah kuch nahi bol rahi thi, siwaye raj ka naam lene ke..bas roye ja rahi thi..yska ye rona disha aur janhavi ke liye bhi asahneey hota ja raha tha, vo bhi dukh se vyakul hone lagi thi.
Janhavi (rote huye)—vaishali kuch bol na...kya tumne raj ko dekha hai ? bata na kaha hai vo ?
Disha (rote huye)—mera to bahut mann ghabra raha hai ?
Monika—dekhiye..mera naam monika hai...mera aaj judo karaate ka match hai girinar me to main uske liye hi vaha ja rahi thi ki yaha pahuchte hi mujhe vaishali ke chillane ki awaz sunayi padi...baat ye hai ki....
Phir monika ne poori ghatna short me batayi, jise sun kar sabhi hakke bakke rah gaye..disha aur janhavi bhi jor jor se rone lagi..
Disha (rote huye)—ye kya ho gaya hamare sath ? ab hum ghar kaise jayengi..kya batayengi sabko jab vo raj ko na dekh uske baare me sawal karenge to ?
Driver—kahi conductor ki tarah raj ko bhi to unhone......?
Vaishali (beech me hi chillate huye)—nahii...aisa nahi ho sakta..mere raj ko kuch nahi ho sakta, main apne raj ko kuch nahi hone dungi...
Vaishali jaise pagal si ho gayi aur rote rote achanak hi uth kar tezi se vahi jungle ke bhitar daud padi, ye dekh sab aur bhi tension me aa gaye..
Vahi raj ko behoshi ki halat me chhod kar vo sabhi daku aage nikal gaye..halanki unki nazar me vo lagbhag mar hi chuka tha aur unka ye sochna galat bhi nahi tha..sir me chot lagne ki vajah se uska kafi khoon bah chuka tha, har gujarte pal ke sath uski saanso ki gati dheemi padti ja rahi thi.
Iss behoshi ki halat me bhi achanak hi uske dimag me sheetal ki vahi chhavi ubharne lagi, vahi khwab ek baar phir se use dikhayi dene laga, aur ant me vahi gaane ki dhun phir se uske kaano me uske khwab me sunayi dene lagi..
Phir na jane achanak kya hua..ki chillate huye uski aankh khul gayi kintu usne uthne ki koshish ki to phir se gir gaya..
Raj (chillate huye)—nahiiii....didi....aapko kuch nahi hoga sheetal didi..main aa raha hu...aaaahhh
Usne lete lete hi apna shirt utar kar sir me bandh liya aur ghisatte huye ek ped tak gaya aur phir uska sahara le kar kisi tarah khada hua aur phir chal pada apni sheetal didi ki talash me..
Jungle ke bhitar vo girte padte ghumta raha poora din magar use kahi kuch nahi mila..bhookh aur sir me lagi chot ki vajah se uske liye ek kadam bhi chalna mushkil ho raha tha lekin na jane koun si shakti thi jo use lagatar himmat diye ja rahi thi ya phir shayad ye uska sheetal ke liye aseem pyar tha jo uski himmat ko tootne nahi de rahi thi.. magar vo jungle tha ki khatam hone ka naam hi nahi le raha tha..
Aise hi chalte chalte vah ek bar phir se gir pada aur behosh ho gaya....
Vahi uss budhiya ke samjhane ke baad RAJ bistar bichha kar araam se so gaya...karib aadhi raat ko kuch awaze sun kar uski neend khul gayi...koi meethi dhun me mast ho kar gaana ga raha tha lekin gaane ke bol uski samajh me nahi aa rahe the..phir use kamla ki baat yaad aayi.
Lekin ab usse raha nahi ja raha tha...akhir kamla ki hidayat ke baavjud vaha lagi khidki khol di aur bahar jhaankne ki koshish karne laga...magar bahar andhere ke siwa kuch bhi nazar nahi aa raha tha...
Kafi der tak vah taktaki lagaye khidki se bahar jhank kar dekhne ki koshish karta raha ki ye a ajeeb ajeeb si awaze kaisi hain..awaze to ab bhi beech beech me aa rahi thi par dikh kuch nahi raha tha...jab kafi der tak kuch bhi dikhayi nahi diya to vah palat kar khidki band karne hi wala tha ki tabhi use bahar khidki ke paas koi parchhayi chalti huyi si dikhayi padi to vah ekdam se chounk pada.
Usne himmat batorte huye turant apni aankhe ek baar phir se khidki par laga di..vo abhi kuch dekh ya samajh pata ki tabhi achanak khidki ke bahar se kisi ne uski ankho par tezi se jhapatta mara...
Iss achanak huye hamle me halanki uski aankhe to bach gayi magar uske chehre par kayi jagah gahri kharoch aa gayi jisme se khoon bahne laga aur jalan hone lagi..vah jor se cheekh kar piche gir pada..
Uski cheekhne ki awaz sun kar vo budhiya (kamla) turant vaha aa gayi..usne jaldi se khidki ko band kiya aur RAJ ko uthane lagi.
Kamla—maine tumhe mana kiya tha na ki inn awazo par dhyan mat dena, phir kyon kiya tumne aisa ?isme tumhari jaan bhi ja sakti thi samajh gaye..
RAJ (dard me)—aaaahhhh...mera poora chehra jal raha hai...aur aankho me bhi jalan ho rahi hai.
Kamla—pade raho chupchap...main abhi kuch karti hu...mana karne ke baad bhi samajh me nahi aata..
Kamla gussa dikhate huye apne kamre me chali gayi aur kuch der baad jab vapis aayi to uske hath me koi lep jaisa tha..
Kamla—chehre se hath hatao..lagane do mujhe...abhi thodi der me sara dard theek ho jayega..
Usne uske poore chehre par vo lep laga diya aur phir se hidayat de kar apne kamre me chali gayi. Kuch der dard me tadapne ke baad RAJ ko kuch rahat mahsoos honi shuru ho gayi..halanki bahar se abhi bhi vahi darawani aur bhayanak awaze aa rahi thi kintu iss baar khidki khol kar bahar jhankne ki himmat vo nahi juta paya aur chupchap darte huye pada raha aur phir na jane kab neend ki agosh me chala gaya..
Subah kamla ki jab neend khuli to usne dekha ki RAJ so raha hai..usne darwaja khola aur bahar nikal kar darwaja band kar ke jungle me chali gayi..
Abhi vah jungle me kuch hi door gayi thi ki tabhi uski nazar kisi behosh pade admi par chali gayi, usne hairan hote huye uski taraf kadam badha diye..jaise hi usne uss admi ko palat kar sidha kiya to uske chehre par nazar padte hi vah buri tarah chounk gayi...
Kamla (chounk kar)—B..U..R..C..H..O..D..A...
Vahi dusri taraf abhay ke ghar se nikalne ke baad vo shakhs apne ghar na ja kar ek ajeeb si sunsan jagah par gaya...ek baar apne charo taraf nazar ghuma kar dekha..jab use laga ki use yaha aate huye kisi ne nahi dekha hai aur na hi yaha koi moujud hai jo use dekh sake, tab vo vaha se apni left side par mud gaya aur chalte huye ek aisi jagah par pahucha jaha samne siwaye ghani jhadiyo ke kuch bhi nazar nahi aa raha tha.
Usne ek baar apne charo taraf dekha aur phir unn ghani jhadiyo ke bhitar hath ghusa kar na jane kya kiya ki uske baad agle hi pal vo jhadiya beech me se agal bagal hatne lagi aur ek tahkhana jaisa nazar aane laga.
Usne bina koi deri kiye apne kadam uss tahkhane ki taraf badha diye..uske ghuste hi vo jhadiya phir se pahli jaisi ho gayi...
Vaha pahuchte hi kuch admiyo ne use gher liya aur uski aankho par patti baandh kar use ek admi ke paas le gaye...uss admi ke paas pahuchte hi uski ankho par bandhi patti khol di gayi..
“kaho kya khabar laaye ho aaj ?” uss admi ne use dekhte huye kaha..
“aisi khush khabri laya hu ki sunte hi aap uchhal padoge maare khushi ke.” Uss bahar se aaye huye shakhs ne kaha.
“aisi kya khabar laaye ho ?” uss naye admi ne pucha.
“vo jinda hai.” Shakhs ne kaha.
“koun jinda hai ?” uss admi ne phir pucha.
“vahi...Raj..” shakhs ne jawab diya.
“kyaa ? ye kya bakte ho tum ? kahi tumhara dimag to kharab nahi ho gaya ya phir aaj din me hi sharab pee kar aaye ho ?” uss admi ne chillate huye kaha.
“maine koi sharab nahi pee rakhi hai..main aaj uss chutiye abhay ke paas gaya tha...vahi ye baat pata chali..” uss shakhs ne kaha,
Phir usne aaj abhay ke sath jo bhi baatcheet huyi thi, uske baare me vistaar se bataya, jise sunte hi pahle to vah admi chounka lekin phir uske chehre par khushi ke bhaav umadte chale gaye,, uske chehre par aayi achanak iss khushi ko dekh kar aisa lag raha tha, jaise ki usne jameen ke andar gada hua koi bahut bada khazana hasil kar liya ho.
“hahaha...ye khabar de kar aaj tune mera dil khush kar diya...meri barso ki adhuri khwahish ab jaruri poori hogi..aur jo bhi mere maqsad ke raste me aayega use main barbad kar dunga...Log To Murdo Ko Shamshan Me Jalaate Hain Aur Main Jinda Logo Ko Jala Kar Unke Ghar Ko Shamshan Banata Hu.”
Yoon to har vyakti hi apne apne daanv par laga hua tha..Ashayen aur kamnaye machal rahi thi. Aur waqt ki dhara bah rahi thi.. par ye atal sach bhi apni jagah par tha ki admi sochta kuch hai aur hota kuch hai..insaan jo soche, agar vah ho jaye to phir bhagya apna khel kaise dikhaye…? Sab apne apne khelo me lage huye the aur taqdir jaise door baithi apna hi jaal bun rahi thi.
Join Our
Discord Server
For Daily Updates
